Cando cumpriu tres anos, Lucía recibiu un agasallo moi especial de mamá e papá: unha árbore. Un precioso freixo que medra no pequeno bosque preto da casa. Visítao todas as semanas: obsérvao, úleo, fálalle e, sobre todo, abrázao. Álex, o mellor amigo de Lucía, é cego, mais xuntos descobren igualmente un mundo fascinante cheo de sensacións. Un día o freixo ponse maliño, pero a natureza sempre segue o seu camiño... Unha historia de Henrique Alvarellos ilustrada por Xulia Nieto onde se nos convida a darnos un baño de bosque a través da protagonista, Lucía, e o seu amigo Álex, que, aínda que non pode ver, sente cada son e cada pedazo de natureza.