As enerxías renovables son enerxías primarias que se renovan de forma natural. Proveñen da enerxía que chega ao noso planeta de forma continua pola acción da radiación solar ou da atracción gravitatoria da Lúa, polo que son fontes de enerxía inesgotables e limpas. Son fundamentalmente: a enerxía solar, eólica, hidráulica, mariña (das ondas e da marea), da biomasa e xeotérmica. Estas fontes de enerxía son moi diversas e atópanse accesibles para ser explotadas en calquera parte do planeta. O desenvolvemento tecnolóxico fai que as enerxías renovables sexan cada vez máis competitivas permitindo aos países ser máis independentes dos combustibles fósiles.