Raina seigarren mailan dago, eta normala izan nahi du, besterik gabe. Baina, gau batez, eskauten bilera baten ondoren, estropezu egin eta ebakortzak hausten ditu. Ondorengo hilabeteak jasanezinak izango dira berarentzat: ebakuntza bat egin beharko diote, eta metalezko bracketak, buruko arku itsusi bat, baita hortz faltsuak ere jarriko dizkiote. Baina, hori gutxi balitz bezala, lurrikara batetik “bizirik irten” beharko du, eta lehenengo maitasun-harremanak eta zirudien bezain onak ez ziren adiskidetasunak gainditu.

Raina Telgemeier 'Irri egin' komikia (gaztelaniaz, '¡Sonríe!') Interneten argitaratzen hasi zen, eta, horri esker, 2011. urtean Eisner Saria jaso zuen, nerabeentzako argitalpen onena izateagatik. Halaber, 2016an, berriz ere autore onenari Eisner Saria jaso zuen 'Hermanas' komikiarekin; 'Hermanas' ez da 'Irri egin' komikiaren bigarren atala, baina komiki autobiografikoa da eta garai berean dago girotuta. Amerikako Estatu Batuetan lehenengo argitalpena egin eta hamabi urtera, 'Irri egin' gazteentzako komikien klasiko bilakatu da, hogeita hamar hizkuntza baino gehiagoan itzuli eta lau milioi ale baino gehiago saldu ditu, eta euskaraz dugu azkenik.