Ugariak dira euskal nortasunaren inguruan ekoitzi diren esanahiak, izan hura berreskuratzeko, errelato sinboliko komun bat eraikitzeko, esentzial egiteko edota hura desegituratzeko prozesuan sortutakoak. Euskal identitatearen ideia birdefinitzeko eta haren eraikuntza-prozesuen eztabaidan parte hartzeko ardura hartuta, ordea, saiakera honek haratago eraman nahi gaitu. Artearen eta euskal nortasunaren arteko loturak arakatzen dira horretarako. Izan ere, identitatearen erreferentzia-markoekin jolasean, artea bera eremu indartsua da gure iruditerian esku hartzeko, ikusmirak barreiatzeko eta meta- berrietara eramateko. Horrela, identitatearen lanketarekin binkulatutako ekarpenak ehundu ahala, lan honek euskal identitatea performatzeko konpromisoa hartu duten prozeduretan jartzen du fokua, egitate artistiko tradizional, garaikide, estrategiko zein operatiboek izaera ematen diguten esanahiak behatzeko, birpentsatzeko eta jokoan jartzeko duten gaitasuna biltzeko asmoz.