Para comprender Celanova hai que sentir o peso dun inmenso pretérito sobre as costas.

Celanova é un percorrido polas orixes, costumes e paisaxe do concello ourensán dende o punto de vista de Méndez Ferrín e X.B. Reza, complementado coa mirada curiosa de Vítor Vaqueiro nas fotografías. A narración comeza falando do vento, que será unha constante durante a viaxe. Logo dun paseo polas rúas máis importantes da vila, comeza o periplo pola súa historia, xa que para comprender Celanova hai que sentir o peso dun inmenso pretérito sobre as costas. Partindo dos machados paleolíticos atopados na bisbarra, ese pretérito trasládase en forma de narración. Despois, a relixión, as xentes, a literatura e a permanente memoria de Celso Emilio e Curros pechan unha obra feita dende o coñecemento e amor a unha terra: Celanova.