TXORIBURU

Txoriburu Asun Balzolaren umetako oroitzapenak dira. Bertan esaten duenez, pirata izan nahi omen zuen, baina hogei urte zituelarik auto-istripua izan eta jardunbide horretarako edo beste antzekoren baterako bideak itxi zitzaizkion. Erdizka oneratu ondoren, komunikazio-munduan sartzea erabaki zuen. Horri esker, bere buruan bidaiak egiteko aukera du; alegia, pirata ere izatea, umetan nahi zuen bezala. Txoriburu bere bizitzako lehen urteen kontaketa da, Bilboko burgesiaren giroan, 40ko hamarkadan. Asun Balzolak azken hogei urteotan haurrentzako idazle gisa hartu duen ezagutza sakonari esker, garai goibel batzuen zirriborro inpresionista egin ahal izan du. Orduko neskatoak, batez ere, gauzak imajinatu nahi zituen. Berak marraztea magia dela baitaki, eta anai-arreben, errealitatetik beren fantasien bidez ihes egiten baitute, mundu propiala eratzen dute, helduen mundu zentzugabearekin zerikusirik ez duena. Hala ere, haurraren begiradaren atzetik, itxuraz xaloa den kontakizunean, gerratearen zauria eta garai haietako gogortasuna ageri dira.