A tráxica morte de Diego Cruz, O Tato, un dos mellores boxeadores galegos de todos os tempos, permitirá descubrir o seu avolto pasado para así comprender o seu comportamento violento e fuxidío.

Martiño Ferradás, un apoucado inspector de policía, farase cargo do caso e loitará contra vento e marea para esclarecer as causas da morte do puxilista. Ninguén confía nel, nin el mesmo. Namoradeiro, sentimental e un tanto desgraciado intentará poñer luz na escuridade a unha morte que envolve á cidade de Vigo. Os sentimentos son o seu peor inimigo e por iso acabarán pasándolle factura para facer terapia axudado polo seu caderno de erros.