Era etnobotanica s'aucupe deth coneishement popular sus eth mon vegetau. En Catalonha, eth Pirenèu a estat un des airaus mès ben prospectadi des d'aguest punt de vista, totun era Val d'Aran –particulara pera sua situacion ena vessant nòrd dera sarrada e pera lengua e era cultura occitanes araneses– ère encara un punt entà cobrir. Presentam en aguest libre ua prumèra aproximacion ara etnobotanica aranesa, a partir d'entrevistes a vint persones qu'an neishut ena val e que i an viscut tota o era major part dera sua vida. Es informants mos an transmetut donades sus 104 taxons de plantes, entà referir-se as quaus an utilizat 140 nòms populars. Auem arrecuelhut 396 informacions d'usatges medicinaus, 175 d'usatges alimentaris e 22 d'usatges d'auta sòrta. Aguesta òbra a era intencion de retornar ara societat eth saber sus es plantes qu'es persones dera Val d'Aran mos an confiat, entà que pogue èster util entàs naues generacions. Ath delà, vò encoratjat a contunhar eth trebalh que se i expòse, per tau d'arribar a ua etnoflòra complèta.