1947an sortu zen gaur hain ezaguna den Egutegi edo “takoa” esaten zaion hau. Garai zail hartan, euskarazko lehenengoetako argitalpena izan zen.
Ordutik 71 urte igaro dira eta Arantzazuko Egutegiak tinko irauten du oraindik; harrapatuko ahal ditu hiruogeita hamabost urteak, bere diamantezko “ezteiak” ospatzeko zoria izan dezagun, beti ere zuen irakurleon laguntzarekin.
Gai ugari ukitzen ditu bere orritxoetan: gai sozialak, historikoak (euskaldunonak batez ere), ekologikoak, osasunari buruzkoak, geure hizkuntza maiteari arnasa berria ematekoak, erlijio bizimoduari bide berriak zabaltzeko… umorezko irribarrea pizten duten izkirimiriak eskainiz.