O 1 de maio de 1898 sinala o comezo dun dos enfrontamentos máis importantes da historia recente de España: a batalla naval de Cavite, nas illas Filipinas. A través deste relato, o seu autor introdúcenos nunha aventura histórica protagonizada por galegos e marcada por unha dramática realidade. Desde o primeiro deles, o almirante Patricio Montojo, ata o último mariñeiro que participou na contenda, podemos contemplar a dureza e o sacrifio duns homes que foron enviados a un sacrificio inxusto, en defensa duns territorios de ultramar que representaban o último vestixio do Imperio español fraguado nos reinados de Carlos V e Filipe II. Con este impactante libro, Enrique López Veiga reinvidica un episodio histórico que foi marxinado pola historiografía tradicional e que representa un exemplo máis da loita e do esforzo que caracteriza o pobo galego ante as adversidades.